ایسٹر پر سری لنکا میں دہشتگردی، غیر ملکیوں سمیت 200 سے زائد ہلاک



کولمبو: ( نیٹ نیوز) دہشتگردوں نے آٹھ مقامات پر دھماکے کیے جس سے امریکی اور برطانوی شہریوں سمیت دو سو سات افراد ہلاک ہوگئے۔ جبکہ چھ پاکستانیوں سمیت پانچ سو سے زائد زخمی ہیں۔ سری لنکا نے دو روزہ سوگ کا اعلان کرتے ہوئے کولمبو میں کرفیو لگانے کا اعلان کر دیا ہے۔
میڈیا رپورٹس کے مطابق دہشتگردوں نے سری لنکا کے دارالحکومت کولمبو کے شمال میں کاٹوواپیٹیا کے علاقے میں واقع سینٹ سباستیان چرچ جبکہ مشرقی صوبے باٹیکالوآ میں واقع ایک دوسرے چرچ کو بم دھماکوں سے نشانہ بنایا۔ اس کے علاوہ تین بڑے ہوٹلوں میں بھی دھماکے کیے گئے جس میں متعدد افراد ہلاک ہوئے۔
سری لنکن حکام کا کہنا ہے کہ اب تک حاصل اعدادوشمار کے مطابق ان حملوں میں 35 غیر ملکی بھی اپنی جانیں کھو چکے ہیں۔ ابھی تک کسی گروہ یا تنظیم نے ان حملوں کی ذمہ داری قبول نہیں کی ہے۔

دہشتگردی واقعات کے بعد سری لنک وزیراعظم رانیل وکرما سنگھے نے قومی سلامتی کونسل کا ہنگامی اجلاس طلب کر لیا ہے۔ اپنے ٹوئٹر پیغام میں ان کا کہنا تھا کہ میں آج اپنے لوگوں پر ہونے والے اس بزدلانہ حملے کی شدید مذمت کرتا ہوں۔ میں تمام سری لنکن شہریوں سے کہتا ہوں کہ وہ مشکل کی اس گھڑی میں متحد اور مضبوط رہیں۔
صدر ماتھری پالا سری سینا نے پولیس کے خصوصی دستوں اور فوج کو احکامات دیے ہیں کہ وہ ان حملوں کے درپردہ عناصر سے متعلق تفتیش کریں۔ ان واقعات کے بعد کولمبو کے بین الاقوامی ہوائی اڈے سمیت متعدد مقامات پر فوج تعینات کر دی گئی ہے۔

ادھر کولمبو دھماکوں میں تین خواتین سمیت چار پاکستانیوں کے زخمی ہونے کی بھی زخمی اطلاعات ہیں، زخمی خواتین کولمبو کے ہوٹل میں مقیم تھیں۔ وزیراعظم عمران خان نے واقعے پر اظہار افسوس کرتے ہوئے کہا ہے کہ دہشتگردی کا کوئی مذہب نہیں ہوتا۔ ہم دکھ کی اس گھڑی میں سری لنکا کے ساتھ ہیں۔
ترجمان دفتر خارجہ کا کہنا ہے کہ تین معمولی زخمیوں کو مرہم پٹی کے بعد ہسپتال سے ڈسچارج کر دیا گیا ہے۔ صورتحال پر پاکستانی ہائی کمیشن سے مسلسل رابطہ ہے۔ سری لنکا میں مقیم پاکستانیوں کی ہر ممکن مدد کی جائے گی۔

Comments

Post a Comment

Popular posts from this blog

اردو ناول کا ارتقا

Image
  اردو ادب ہر دور میں نشیب و فراز سے گذرتا رہا ہے ۔ لیکن ہر دور میں شاعروں اور دیبوں نے اس کے لیے نت نئی راہیں ہموار کی ہیں ۔ شاعروں او ر ادیبوں نے اپنی ان تھک کاوشوں سے اردو ادب کو مختلف اصناف سے آراستہ کیا۔اردو ادب میں ناول کی صنف بھی ان ہی کاوشوں کا نتیجہ ہے ۔ ناول اطالوی زبان کے لفظ Novellaسے نکلا ہے ۔مختلف ناقدین نے ناول کی تعریف مختلف انداز میں کی ہے ۔ رابن سن کر و سو کے غیر فانی مصنف ڈینیل ڈنو نے اس فن کی بنیاد ڈالتے ہوئے دو چیزوں کا خاص طور سے لحاظ کیا ہے ۔ ایک تو یہ کہ قصیدہ گو کو حقیقت نگار ہوگا ہونا چاہئے۔ دوسرایہ کہ اس سے کوئی نہ کوئی اخلاقی سبق دینا چاہیے۔ اس لیے کہ اگر قصہ حقیقت پر مبنی نہ ہو گا تو جھوٹا ہوگا۔ اور اپنی تصنیف کے ذریعے مصنف جھوٹ بولنے کا عادی ہو جائے گا ۔ وہ کہتا ہے کہ: ’’ قصہ بنا کر پیش کر نا بہت ہی بڑا جرم ہے۔ یہ اس طرح کی دروغ پر مبنی ہے ۔ جو دل میں ایک بہت بڑا سراخ کر دیتی ہے جس کے ذریعے جھوٹ آہستہ آہستہ داخل ہو کر ایک عادت کی صورت اختیار کر لیتا ہے ۔‘‘ فیلڈنگ جو انگریزی ناول کے عناصر اربعہ میں سے ہیں اس فن کی تعریف میں یو ں رقم طراز ...
Read more

اردو محاورے۔۔۔۔۔۔ وسیم بن اشرف

Image
ردیف "ا" اُبلا سُبلا، اُبالا سُبالا اگر ہم اس محاورہ کی لفظی ترکیب پر غور کریں تو اس سے ایک بات پہلی نظر میں سمجھ میں آ جاتی ہے کہ ہمارے ہاں الفاظ کے ساتھ ایسے الفاظ بھی لائے جاتے ہیں جن کا اپنا اس خاص اس موقع پر کوئی خاص مفہوم نہیں ہوتا لیکن صوتی اعتبار سے وہ اس لفظی ترکیب کا ایک ضروری جُز ہوتے ہیں۔ اس طرح کی مثالیں اور بھی بہت سی مل سکتی ہیں، جیسے"الاَبُلَّا"، "اٹکل پچو"، "اَبے تبے"، "ٹال مٹول"، "کانچ کچُور"وغیرہ۔ "اُبلا سُبلا" ایسے موقع پر بولا جاتا ہے جب کسی عورت کو اچھا سالن بنانا نہیں آتا۔ ہمارے ہاں کھانا بنانے کا آرٹ گھی، تیل، بگھار، گرم مصالحہ، گوشت وغیرہ ڈال کر اس کو خوش ذائقہ اور لذیذ بنایا جاتا ہے۔ سالن میں جتنی ورائٹی ) variety (ہو سکتی ہے، اُن سب میں ان کو دخل ہے کہ وہ بھُنے چُنے ہوں، شوربہ، مصالحہ، اس میں ڈالی ہوئی دوسری اشیاء اگر خاص تناسب کے ساتھ نہیں ہیں تو پھر وہ سالن دوسروں کے لیے"اُبلا سُبلا" ہے، یعنی بے ذائقہ ہے اور اسی لیے بے نمک سالن کا محاورہ بھی آیا ہے، یعنی بے ذائقہ چیز۔ ...
Read more

واٹس ایپ کی سرجری۔۔معلومات ہی معلومات

Image
  واٹس ایپ ڈیلیٹ پیغامات دوبارہ پڑھنا کیسے ممکن؟ واٹس ایپ نے گزشتہ سال نومبر کے آغاز میں صارفین کا بڑا مطالبہ اس وقت پورا کردیا تھا جب کمپنی نے غلطی سے بھیجے جانے والے پیغامات کو ڈیلیٹ کرنے کا فیچر متعارف کرایا۔اینڈرائیڈ، آئی فون اور ونڈوز فونز استعمال کرنے والے صارفین اس فیچر کے ذریعے کسی بھی پیغام کو سات منٹ کے اندر ڈیلیٹ کرسکتے ہیں۔تاہم اب واٹس ایپ میں ایک خامی سامنے آئی ہے جس سے اندازہ ہوتا ہے کہ یہ فیچر اتنا بھی کارآمد نہیں خصوصاً اس وقت اگر گروپ چیٹ میں کوئی شخص آپ کے ڈیلیٹ کیے جانے والے پیغام پر ریپلائی کا آپشن اختیار کرچکا ہو۔جی ہاں اگر گروپ چیٹ کے دوران کسی ڈیلیٹ کیے جانے والے میسج پر ریپلائی کردیا جائے تو وہ ڈیلیٹ ہوکر بھی دوسروں کو نظر آجاتا ہے۔انفرادی چیٹ پر بھی یہی نتیجہ دیکھنے میں آتا ہے، جس سے لگتا ہے کہ یہ کوئی بگ نہیں بلکہ فیچر ہی ہے، تاہم اس حوالے سے واٹس ایپ نے ابھی کچھ نہیں کہا۔ایسا اس وقت ہونے کا امکان بہت زیادہ ہے جب آپ ایسے افراد سے چیٹ کرتے ہوں جو ریپلائی کرنے کے عادی ہوں ۔ایک ویب سائٹ دی نیکسٹ ویب نے اس بات کی نشاندہی کی، جس کی تصویر آپ نیچے ...
Read more